कर्नाटकमधील निवडणुकीत काँग्रेसचे ९२ वर्षीय उमेदवार विजयी !

ही लोकशाहीची थट्टा नव्हे का ?

दावणगेरे (कर्नाटक) – दक्षिण दावणगेरे मतदारसंघातून काँग्रेसचे ९२ वर्षीय उमेदवार शमानुर शिवशंकराप्पा हे विजयी झाले आहेत. त्यांनी भाजपच्या उमेदवाराला २७ सहस्र ४८८ मतांनी पराजित केले. यामुळे शिवशंकराप्पा हे सहाव्यांदा आमदार म्हणून निवडून आले आहेत. विजयाच्या निमित्ताने प्रसारमाध्यमांशी बोलतांना ते म्हणाले की, मी काँग्रेसच्या नेतृत्वाकडे मागणी करतो की, त्यांनी लिंगायत समाजातील नेत्याला मुख्यमंत्रीपद द्यावे.