कत्तलीसाठी नेत असलेल्या ५८ गोवंशियांची मुक्तता, २४ आरोपींना अटक !

यवतमाळ, २४ मार्च (वार्ता.) – छत्तीसगड, मध्यप्रदेश आणि विदर्भ येथून कत्तलीसाठी गोवंशियांची खरेदी करून, भाग्यनगर (हैद्राबाद) येथे नेली जात असतांना यवतमाळ जिल्ह्यातील मनदेवजवळ सापळा लावून स्थानिक गुन्हे शाखेने त्यांना पकडले. ६१ पैकी ५८ गोवंशियांना मुक्त केले. तथापि ३ गोवंशियांचा गुदमरून मृत्यू झाला होता. ८ वाहन कह्यात घेऊन २४ आरोपींना अटक करण्यात आली. पोलिसांच्या या कामगिरीचे जिल्ह्यातील गोवंशप्रेमींकडून कौतुक होत आहे.