४ पत्नी आणि ४० मुले, हे स्वातंत्र्यानंतरचे सनातनवरील मोठे आक्रमण ! – कथावाचक श्री देवकीनंदन ठाकूर महाराज

नागपूर – जोपर्यंत लोकसंख्या नियंत्रणाचा कायदा होत नाही, तोपर्यंत जमतील तेवढी मुले जन्माला घाला. प्रत्येक सनातनी दांपत्याने किमान ५-६ मुले जन्माला घालावीत. यासाठी वेळेत विवाह करावा, तसेच सनातनी मंडळाची स्थापना करावी. या मंडळात धर्माचार्यांना घेण्यात यावे. लोकसंख्येवर आजपर्यंत नियंत्रण आणता आलेले नाही. लोकसंख्येचा एवढा मोठा स्फोट होण्याचा कुणी विचारही केला नसेल. ४ पत्नी आणि ४० मुले असतात, त्यावर कुणी बोलत नाही. स्वातंत्र्यानंतरचे सनातनवरील हे सर्वांत मोठे आक्रमण आहे, असे मार्गदर्शन कथावाचक श्री देवकीनंदन ठाकूर यांनी २० फेब्रुवारी या दिवशी येथे केले.

श्री देवकीनंदन ठाकूर महाराज यांना अनेकदा जिवे मारण्याची धमकी !

मुसलमानांच्या विरोधात बोलत असल्याच्या कारणावरून श्री देवकीनंदन महाराज यांना सौदी अरब येथून एका अज्ञात व्यक्तीने डिसेंबर २०२२ मधील शेवटच्या आठवड्यात भ्रमणभाषवरून शिवीगाळ करून बाँबने उडवून देण्याची आणि भरचौकात जिवंत जाळण्याची धमकी दिली. महाराष्ट्र पोलिसांनी याची गंभीर नोंद घेत चौकशी चालू केली होती. यापूर्वीही श्री देवकीनंदन ठाकूर महाराज यांना अनेकदा जिवे मारण्याच्या धमक्या मिळाल्या आहेत. प्रियाकांतजू मंदिरात एका मुसलमान संघटनेच्या नावाने पत्र आले होते. त्यात महाराजांना हिंदुत्वाचा प्रचार केल्यास सामूहिक नरसंहार करण्याची धमकी देण्यात आली होती. या प्रकरणी वृंदावन पोलीस ठाण्यात गुन्हा नोंदवण्यात आला होता. देहली येथे जातांना त्यांच्यावर आक्रमण करण्याचाही प्रयत्न झाला होता.