कोल्हापूर, ६ डिसेंबर (वार्ता.) – कन्नड वेदिकेच्या कार्यकर्त्यांनी पथकर नाक्यावर महाराष्ट्राच्या १० वाहनांची मोडतोड केली. कर्नाटक सरकारच्या बोटचेप्या धोरणामुळे महाराष्ट्राला आव्हान देण्याचे काम होत आहे. अशावेळी सर्व पक्षांनी पक्षभेद विसरून एकत्रितपणे सीमावासीय बांधवांच्या पाठीशी राहून त्यांना बळ देण्याची आवश्यकता आहे. तरी मराठी भाषिक आणि सौंदत्ती यात्रेस गेलेल्या भाविकांना संरक्षण द्यावे, असे मुख्यमंत्र्यांच्या नावे असलेले निवेदन सीमाप्रश्नी सर्वपक्षीय समितीच्या वतीने निवासी उपजिल्हाधिकारी दत्तात्रय कवीतके यांना देण्यात आले.
या प्रसंगी वसंतराव मुळीक, गुलाबराव घोरपडे, संभाजी जगदाळे, बबनराव रानगे, प्रसाद पाटील, उत्तम पाटील, संजय पोवार, बाबूराव बोडके, अवधूत पाटील, प्रकाश पाटील यांसह अन्य उपस्थित होते.
मुख्यमंत्र्यांच्या नावे असलेल्या निवेदनात म्हटले आहे की, यासाठी आवश्यक ती कार्यवाही न झाल्यास महाराष्ट्रात एकही कर्नाटकाची गाडी येऊ न देण्याचा निर्धार सर्वपक्षीय समितीने केला आहे. कोल्हापूरकरांनी यापूर्वी वेळोवेळी कर्नाटकास धसका बसेल अशी आंदोलने केली आहेत. त्यामुळे यापुढे कधीही सीमाप्रश्नी विस्फोट होऊ शकतो, याची नोंद घ्यावी.
थोडक्यात महत्त्वाचे
२४ आणि २५ डिसेंबर या दिवशी श्री साई पालखी निवारा येथे होत असलेल्या मंदिर परिषदेची सिद्धता अंतिम टप्प्यात !
‘सेरेंडिपिटी कला महोत्सवा’त हिंदूंच्या मंदिरांची छायाचित्रे आणि माहिती प्रदर्शित
सिंधुदुर्ग जिल्ह्यात महाराष्ट्राचे मत्स्य व्यवसाय आणि बंदरे विकासमंत्री नितेश राणे यांचे भव्यदिव्य स्वागत
विकसित महाराष्ट्रातील लोकांना कामासाठी स्थलांतरित व्हावे लागणे गंभीर ! – न्यायमूर्ती नितीन बोरकर, उच्च न्यायालय, मुंबई
हसापूर (गोवा) येथील श्री सातेरी देवस्थानच्या जत्रेमध्ये मुसलमानांना दुकाने लावण्यास देवस्थान समितीकडून बंदी