मुंबई – अंधेरी (पूर्व) विधानसभेच्या मतदारसंघाची पोटनिवडणूक ३ नोव्हेंबर या दिवशी होणार आहे. राज्याच्या राजकारणातील पालटलेल्या समीकरणांमुळे ही निवडणूक अत्यंत चुरशीची होणार आहे. या विधानसभा मतदारसंघात ३ ऑक्टोबरपासून आचारसंहिता लागू झाली आहे. या मतदारसंघाचे आमदार रमेश लटके यांच्या निधनामुळे रिक्त झालेल्या जागेसाठी ही निवडणूक होणार आहे.
शिवसेनेतील दोन गट ठाकरे समर्थक असलेला ‘शिवसेना उद्धव बाळासाहेब ठाकरे’ आणि ‘बाळासाहेबांची शिवसेना’ हे दोन्ही गट एकमेकांसमोर उभे ठाकणार आहेत. या निवडणुकीची मतमोजणी ६ नोव्हेंबर या दिवशी होणार आहे. निवडणुकीची अधिसूचना ७ ऑक्टोबर या दिवशी प्रसिद्ध करण्यात आली आहे. नामनिर्देशनपत्र सादर करण्याची अखेरचा दिनांक १४ ऑक्टोबर, नामनिर्देशन पत्रांची छाननी १५ ऑक्टोबर, उमेदवारी अर्ज मागे घेण्याचा अंतिम दिनांक १७ ऑक्टोबर असणार आहे. या पोटनिवडणुकीसाठी १ जानेवारी २०२२ या दिवशीच्या अर्हता दिनांकावर आधारित मतदारसूची वापरण्यात येणार आहे.
या पोटनिवडणुकीत भाजपने मुरजी पटेल यांना उमेदवारी दिली आहे, तर ‘शिवसेना उद्धव बाळासाहेब ठाकरे’ गटाकडून रमेश लटके यांची पत्नी ऋतुजा लटके यांना उमेदवारी देण्यात आली आहे.
थोडक्यात महत्त्वाचे
२४ आणि २५ डिसेंबर या दिवशी श्री साई पालखी निवारा येथे होत असलेल्या मंदिर परिषदेची सिद्धता अंतिम टप्प्यात !
‘सेरेंडिपिटी कला महोत्सवा’त हिंदूंच्या मंदिरांची छायाचित्रे आणि माहिती प्रदर्शित
सिंधुदुर्ग जिल्ह्यात महाराष्ट्राचे मत्स्य व्यवसाय आणि बंदरे विकासमंत्री नितेश राणे यांचे भव्यदिव्य स्वागत
विकसित महाराष्ट्रातील लोकांना कामासाठी स्थलांतरित व्हावे लागणे गंभीर ! – न्यायमूर्ती नितीन बोरकर, उच्च न्यायालय, मुंबई
हसापूर (गोवा) येथील श्री सातेरी देवस्थानच्या जत्रेमध्ये मुसलमानांना दुकाने लावण्यास देवस्थान समितीकडून बंदी