‘पी.एफ्.आय.’ने मागील अनेक वर्षे गोव्यातील शांती बिघडवली ! – शेख रियाझ, नेता, भाजप

मडगाव, ११ ऑक्टोबर (वार्ता.) – ‘पॉप्युलर फ्रंट ऑफ इंडिया’ (पी.एफ्.आय.) ही केंद्राने नुकतीच बंदी घातलेली संघटना मागील अनेक वर्षे गोव्यातील शांती बिघडवत होती. या संघटनेवर बंदी घालण्याचा केंद्रशासनाचा निर्णय योग्य आहे, असा दावा भाजपचे नेते रियाझ शेख यांनी येथे घेतलेल्या एका पत्रकार परिषदेत केला. या वेळी मडगाव नगरपालिकेचे नगरसेवक तथा भाजपचे नेते महेश आमोणकर यांचीही उपस्थिती होती.

रियाझ शेख पुढे म्हणाले, ‘‘भाजपमधीलच काही मुसलमान नेते ‘पी.एफ्.आय.’ला पाठिंबा देत आहेत. या नेत्यांची नावे मी पुढील पत्रकार परिषदेत उघड करणार आहे. गोव्यातील मुसलमान ‘पी.एफ्.आय.’चे सदस्य नाहीत. ‘पी.एफ्.आय.’च्या कार्यकर्त्यांनाही आजा गजाआड केले पाहिजे.’’