उत्तरप्रदेशमध्ये धर्मांधाकडून अल्पवयीन हिंदु मुलीवर बलात्कार

बांदा (उत्तरप्रदेश) –  उत्तरप्रदेशच्या बांदा येथे ‘फ्री फायर’ हा ऑनलाइन खेळ खेळत असतांना धर्मांध तरुणाने एका अल्पवयीन हिंदु मुलीशी मैत्री केली. या तरुणाने त्या अल्पवयीन हिंदु मुलीला आमीष दाखवून कोशांबी येथे नेले आणि तिला नशेचे पदार्थ खाऊ घालून तिच्यावर बलात्कार केला. त्यानंतर त्याने धर्मांतरासाठी तिला मदरशात नेले. एक दिवस संधी साधून पीडित मुलगी एका महिलेच्या साहाय्याने पळून जाण्यात यशस्वी ठरली.

३० मे २०२२ या दिवशी मार्केटमध्ये जात असल्याचे सांगून ही मुलगी घरातून बाहेर पडली होती. त्या दिवशी ती न परतल्याने तिच्या वडिलांनी पोलिसांत तक्रार केली होती. १३ जून २०२२ या दिवशी पीडित मुलगी घरी पोचल्यावर तिने घडलेला सर्व प्रकार कुटुंबियांना सांगितला. या प्रकरणी वडिलांनी पोलीस ठाण्यात तक्रार प्रविष्ट केली. पोलिसांनी पीडित मुलीला वैद्यकीय तपासणीसाठी रुग्णालयात पाठवले.