सातारा बसस्थानकामध्ये एस्.टी. बसखाली सापडून महिला ठार !

सातारा, ४ जून (वार्ता.) – येथील मध्यवर्ती बसस्थानकामध्ये शिवशाही बसच्या चाकाखाली सापडून गौडाबाई काळे (वय ७५ वर्षे) ही वृद्ध महिला ठार झाली. मुंबई येथे जाणारी शिवशाही एस्.टी. बस फलाटावर लावण्यात चालक व्यस्त होता. तेवढ्यात ही घटना घडली. सातारा शहर पोलिसांनी घटनास्थळी धाव घेत पंचनामा केला आहे. कुणाच्या चुकीमुळे महिलेचा मृत्यू झाला ? याचे अन्वेषण पोलीस करत आहेत. घटनेची नोंद सातारा शहर पोलीस ठाण्यात झाली आहे.