५० अधिवक्त्यांकडून राज ठाकरे यांची भेट !

मुंबई – १५ मे या दिवशी दुपारी १२ वाजता ५० अधिवक्त्यांनी राज ठाकरे यांच्या निवासस्थानी त्यांची भेट घेतली. मनसेच्या अधिवक्त्यांच्या गटाने भेट घडवून आणली. मनसेच्या जनहित आणि विधी विभागाचे सरचिटणीस अधिवक्ता किशोर शिंदे यांनी भोंग्यांच्या विरोधातील आंदोलनाच्या वेळी मनसेच्या कार्यकर्त्यांना अधिवक्त्यांनी केलेल्या सहकार्याची माहिती या वेळी दिली. येत्या काही दिवसांत अधिवक्त्यांचा मेळावा घेण्यात येणार असल्याचेही ते म्हणाले.