पत्रात उर्दू शब्दांचा वापर !
मुंबई – मनसेचे अध्यक्ष राज ठाकरे यांना पत्राद्वारे जीवे मारण्याची धमकी देण्यात आली आहे. या पत्रामध्ये उर्दू शब्दांचा वापर करण्यात आला आहे. याविषयी मनसेचे नेते बाळा नांदगावकर यांनी ११ मे या दिवशी गृहमंत्री दिलीप वळसे पाटील यांची भेट घेऊन त्यांच्याकडे याविषयीची तक्रार केली.
“राज ठाकरेंना जीवे मारण्याच्या धमकीचं पत्र, त्यांच्या केसाला जरी धक्का लागला तर…”, बाळा नांदगावकरांचा सरकारला इशारा.
सविस्तर वाचा – https://t.co/8bvfoZNCqx#BalaNandgaonkar #RajThackeray #Politics #MaharashtraNews pic.twitter.com/m07uwHOCSt— Lokmat (@lokmat) May 11, 2022
गृहमंत्र्यांकडे केलेल्या तक्रारीनंतर बाळा नांदगावकर प्रसिद्धीमाध्यमांच्या प्रतिनिधींशी बोलतांना म्हणाले, ‘‘भोंग्यांचा विषय हाती घेतल्यापासून अशा प्रकारच्या धमक्या येत आहे. पत्रात मला आणि राज ठाकरे यांना जीवे मारण्याची धमकी दिली आहे. मी राज ठाकरे यांना पत्र दाखवले. त्यानंतर १० मे या दिवशी पोलीस आयुक्तांची भेट घेऊन पत्राची प्रत दिली. पोलीस काय कारवाई करतात, ते पाहू. राज ठाकरे यांच्या केसाला जरी धक्का लागला, तर महाराष्ट्र पेटेल. या पत्रात ‘अजानविषयी जे करत आहात, ते बंद करा, अन्यथा तुम्हाला ठार करू. तुम्हाला तर सोडणार नाहीच; पण राज ठाकरे यांनाही मारून टाकू’, अशी धमकी देण्यात आली आहे. मी वारंवार राज ठाकरे आणि त्यांच्या कुटुंबासाठी संरक्षण मागत आहे. राज्य सरकार याची नोंद घेत नाही. किमान केंद्रशासनाने तरी याची नोंद घ्यावी. भोंग्यांचा विषय धार्मिक नव्हे, तर सामाजिक आहे. संपूर्ण महाराष्ट्र नव्हे, तर देशातील लोकांना याचा त्रास होत आहे. हे सरकारने गांभीर्याने घेतले पाहिजे.’’
हसापूर (गोवा) येथील श्री सातेरी देवस्थानच्या जत्रेमध्ये मुसलमानांना दुकाने लावण्यास देवस्थान समितीकडून बंदी
किटल-फातर्पा (गोवा) येथील श्री आळारे आजोबा देवस्थानात चोरीचा प्रयत्न
रायगड आणि छत्रपती संभाजीनगर जिल्ह्यांसाठी शिवसेना आग्रही !
चुकीच्या समजुतीमुळे धर्माच्या नावाखाली अत्याचार झाले ! – सरसंघचालक प.पू. डॉ. मोहन भागवत
देवेंद्र फडणवीस यांच्याकडे गृह खाते कायम, एकनाथ शिंदे यांच्याकडे नगरविकास, गृहनिर्माण खाते !
हिंदु जनजागृती समितीच्या वतीने ‘हिंदु सेवा महोत्सवा’त स्वसंरक्षण प्रशिक्षण प्रात्यक्षिके सादर !