प्रा. सुभाष वेलिंगकर यांना हिंदुत्वनिष्ठांचा पाठिंबा घोषित !

♦  ‘हिंदु रक्षा महाआघाडी’चे प्रा. सुभाष वेलिंगकर यांच्या विधानाला आमचा  पाठिंबा आहे. प्रा. सुभाष वेलिंगकर यांच्यावर कारवाई झाल्यास रस्त्यावर उतरू. – श्री. प्रशांत वाळके, हिंदुत्वनिष्ठ, म्हापसा

♦  हा लढा हिंदू विरुद्ध ख्रिस्ती असा नाही, तर गोमंतकीय विरुद्ध पोर्तुगीज असा आहे. लढ्याला धार्मिक वळण देऊ नये ! – श्री. स्वरूप नाईक, हिंदुत्वनिष्ठ, हरमल, पेडणे

♦ विरोध करणार्‍यांनी प्रथम जुने गोवे येथे जाऊन ‘हात कातरो’ खांबाला भेट द्यावी आणि तेथील इतिहास जाणून घ्यावा. नंतर ‘गोंयचो सायब’ कोण हे त्यांना समजेल ! – श्री. नितीन फळदेसाई, हिंदुत्वनिष्ठ

♦ सत्य इतिहास पुढे आला पाहिजे. जुने गोवे येथील ‘इन्क्विझिशन’ झालेली जागा (इन्क्विझिशन हाऊस) शोधून काढा. शासनाच्या पुरातत्व विभागाला हे काम द्यावे. ‘इन्क्विझिशन हाऊस’चा शोध लागल्यानंतर विरोधकांना आपसूकच उत्तरे मिळेल ! – श्री. जयेश थळी, गोमंतक मंदिर महासंघ