मध्यप्रदेशमध्ये ‘लव्ह जिहाद’चे आणखी एक प्रकरण उघड !

धर्मांधाने हिंदु नाव धारण करून अल्पवयीन हिंदु मुलीला अडकवले प्रेमाच्या जाळ्यात !

इंदूर (मध्यप्रदेश) – उत्तरप्रदेशच्या गाजीपुरा येथील अबू जैद (वय २७ वर्षे ) नावाच्या धर्मांधाने ‘राहुल’ असे हिंदु नाव धारण करून शहरातील एका १७ वर्षीय  अल्पवयीन हिंदु मुलीला प्रेमाच्या जाळ्यात ओढले. येथील काही हिंदु संघटनांना या प्रकरणाची माहिती मिळताच त्यांनी अल्पवयीन मुलीला धर्मांधाच्या तावडीतून सोडवले.

‘लव्ह जिहाद’च्या या घटनेचा प्रारंभ सुमारे ६ मासांपूर्वी इंस्टाग्रामच्या माध्यमातून झाला. इंस्टाग्रामवर हिंदु मुलीची अबू जैद याच्याशी मैत्री झाली. या मैत्रीचे रूपांतर प्रेमात झाले. १३ एप्रिलला पीडित मुलीचा वाढदिवस होता. ती संधी साधून मुलीला पळवून नेण्याच्या हेतूने अबू जैद याने इंदूर गाठले. १४ एप्रिलला त्याने पीडित मुलीला बैरवा समाजाच्या धर्मशाळेजवळ भेटण्यासाठी बोलावले. मुलगी बराच वेळ घरी न परतल्याने तिचे पालक आणि शेजारी यांनी शोध चालू केला. शहरातील काही हिंदु संघटनांना या ‘लव्ह जिहाद’च्या प्रकरणाची माहिती मिळाली. त्यांनी आरोपीला पकडून पोलिसांच्या कह्यात दिले, तसेच हिंदु अल्पवयीन मुलीची धर्मांधाच्या तावडीतून सुटका केली.

संपादकीय भूमिका

धर्मांध हे लव्ह जिहाद कायद्यालही जुमानत नाहीत, हे लक्षात घ्या. यावरून त्यांना कठोर शिक्षा होण्यासाठी पावले उचलणे आवश्यक !