‘सोनी टीव्ही’वरील ‘क्राईम पेट्रोल’ मालिका पाहून हत्या करणाऱ्या हडपसर (पुणे) येथील आरोपीला अटक !

पुणे – ओळखीचा अपलाभ घेत शीतपेयातून सुनीता कदम या महिलेला गुंगीचे औषध पाजून आरोपी किसन जगताप याने १० एप्रिल या दिवशी तिची भिंतीवर डोके आपटून हत्या केली. त्यानंतर महिलेच्या अंगावरील सोन्याचे दागिने आणि तिचा भ्रमणभाष चोरून तो पसार झाला.

याची माहिती मिळताच गुन्हे शाखा ‘युनिट ५’च्या पथकाने आरोपीला अटक केली. ‘सोनी टीव्ही’वरील ‘क्राईम पेट्रोल’ ही मालिका बघून आरोपीने हत्या केली. (अशा मालिका या गुन्हे घडण्यासाठी कारण ठरत आहेत, हे लक्षात घेऊन अशा मालिकांवर बंदी आणण्यासाठी सरकारने लक्ष घालावे ! – संपादक)