नांदेड येथे सनातन संस्थेच्या वतीने लावण्यात आलेल्या प्रदर्शनाला मान्यवरांच्या भेटी !

नांदेड – येथील विष्णुपुरी गावातील श्री काळेश्वर महादेव मंदिर येथे सनातन संस्थेच्या वतीने सात्त्विक उत्पादने आणि ग्रंथ यांचे प्रदर्शन लावण्यात आले होते. या प्रदर्शनाला अनेक मान्यवरांनी भेटी दिल्या. श्री काळेश्वर महादेव मंदिराचे सचिव श्री. बालाजी हंबर्डे यांनी ग्रंथ आणि सात्त्विक उत्पादन यांच्या प्रदर्शनाचे दीपप्रज्वलन केले, तर विष्णुपुरी गावचे सरपंच  विलास हंबर्डे यांनी सनातन संस्थेच्या ग्रंथाचे (ज्ञानगंगेचे) पूजन केले. या वेळी नांदेड शहराचे पालकमंत्री आणि राज्याचे महसूलमंत्री अशोकराव चव्हाण यांना ‘सण उत्सव साजरे करण्यामागील शास्त्र’ हा ग्रंथ भेट देण्यात आला. माजी खासदार अन् काळेश्वर देवस्थानचे अध्यक्ष भास्करराव खतगावकर, तसेच नांदेड दक्षिण मतदारसंघाचे मोहनराव हंबर्डे यांनी प्रदर्शनाला भेट दिली.