धर्मवीर छत्रपती संभाजी महाराज यांच्या पुतळ्याची जागा निश्चित करा ! – धीरज सूर्यवंशी, भाजप युवा मोर्चा

सांगली, २३ फेब्रुवारी (वार्ता.) – सांगली शहरात धर्मवीर छत्रपती संभाजी महाराज यांचा पुतळा बसवण्यासाठी जागा निश्चित करण्यात यावी आणि त्यासाठी समिती गठीत करून पुतळा बसवण्यात यावा. यासाठी विशेष महासभेचे आयोजन करण्यात यावे. येत्या ८ दिवसांत महासभेचे आयोजन न केल्यास भारतीय जनता पार्टी युवा मोर्चाच्या वतीने महापालिका परिसरात बेमुदत धरणे आंदोलन करण्यात येईल, असे निवेदन भाजप युवा मोर्चाचे अध्यक्ष धीरज सूर्यवंशी यांनी महापौर दिग्विजय सूर्यवंशी आणि उपमहापौर उमेश पाटील यांना दिले.

या वेळी नगरसेवक संजय यमगर, प्रथमेश वैद्य, अमित गडदे, अनिकेत खिलारे, सिद्धांत काटकर यांसह अन्य उपस्थित होते.