शिवसेना नेत्याविरोधात पुणे येथे बलात्कार आणि गर्भपाताचा गुन्हा नोंद !

असे वासनांध राजकारणी जनतेसमोर काय आदर्श ठेवणार ? अशा नेत्यांना तात्काळ अटक करून त्यांच्यावर कठोर कारवाई करायला हवी. – संपादक

दौंड (जिल्हा पुणे) – येथील २४ वर्षीय तरुणीवर बलात्कार आणि तिचा गर्भपात केल्याप्रकरणी शिवसेना नेते रघुनाथ कुचिक यांच्या विरोधात शिवाजीनगर पोलीस ठाण्यामध्ये बलात्काराचा गुन्हा नोंद करण्यात आला आहे. तरुणीला आरोपी रघुनाथ कुचिक याने लग्नाचे आमीष दाखवून शिवाजीनगर आणि अनेक ठिकाणी नेऊन लैंगिक अत्याचार केले. यामुळे पीडित तरुणी गरोदर राहिल्यावर तरुणीचा गर्भपात केला आणि याविषयी कुणाला सांगितल्यास मारून टाकण्याची धमकी दिली. ही घटना ६ नोव्हेंबर २०२० ते १० फेब्रुवारी २०२२ या कालावधीत घडल्याचे पोलिसांनी सांगितले.