पोलिसांच्या स्थानांतराची सूची मला अनिल परब द्यायचे ! – अनिल देशमुख यांचा गौप्यस्फोट

मुंबई – राज्यातील पोलिसांच्या स्थानांतराची सूची परिवहनमंत्री अनिल परब आपल्याकडे द्यायचे, असा धक्कादायक खुलासा माजी गृहमंत्री अनिल देशमुख यांनी केला आहे. अंमलबजावणी संचालनालयाच्या (ईडीच्या) दोषारोपपत्रात देशमुख यांनी याविषयी जबाब दिला आहे.

अनिल परब यांनी आपणास दिलेली सूची अतिरिक्त मुख्य सचिवांना दिली होती. या सूचीनुसारच स्थानांतर करावे; परंतु ‘जे नियमात बसत असेल, तेच करा नाही तर नाव बाहेर काढा’, असेही तत्कालीन सचिवांना सांगितले होते’, असे स्पष्टीकरण अनिल देशमुख यांनी जबाबात दिले आहे.