पाकिस्तानमध्ये पंतप्रधान इम्रान खान यांच्या घटस्फोटित पत्नी रेहम खान गोळीबारात बचावल्या

हा इम्रान खान यांचा ‘नवीन पाकिस्तान’ आहे का ? – रेहम खान

इस्लामाबाद (पाकिस्तान) – पाकचे पंतप्रधान इम्रान खान यांच्या घटस्फोटित पत्नी रेहम खान यांच्या वाहनावर काही अज्ञातांनी गोळीबार केला. यात त्या बचावल्या. रेहम खान यांनी ट्वीट करून माहिती देतांना सांगितले, ‘मी माझ्या पुतण्याच्या विवाहाला गेले होते. तेथून परत येत असतांना काही लोकांनी माझ्या वाहनावर गोळीबार केला, तसेच २ मोटारसायकल स्वारांनी बंदुकीच्या जोरावर माझी चारचाकी थांबवण्याचा प्रयत्न केला. गाडीमध्ये माझे सुरक्षारक्षक आणि वाहनचालक होते. हा इम्रान खान यांचा ‘नवीन पाकिस्तान’ आहे का ? भ्याड, लुटारू आणि लोभी लोकांच्या देशात आपले स्वागत आहे !’

Imran Khan’s ex-wife Reham slams Pak PM after alleged attack: ‘Welcome to state of thugs’ https://t.co/Tgh9OtMSoB

— Republic (@republic) January 3, 2022

रेहम खान यांनी पुढे म्हटले, ‘मला एखाद्या सामान्य पाकिस्तानी नागरिकाप्रमाणे पाकिस्तानात जगायचे आणि मरायचे आहे. या आक्रमणाला सरकार उत्तरदायी आहे. मी माझ्या देशासाठी गोळी खाण्यासही सिद्ध आहे.’