ज्ञानाचा उपयोग समाजोद्धारासाठी करावा ! – देवेंद्र फडणवीस, विरोधी पक्षनेते

सातारा, ७ डिसेंबर (वार्ता.) – उच्च शिक्षण आणि पदवी प्राप्त केल्यानंतर अनेकांचा व्यावसायिक भविष्याकडे ओढा असतो; मात्र त्यापूर्वी युवा पिढीने आपल्या उमेदीच्या काळात आपले ज्ञान आणि कौशल्य यांचा उपयोग समाजोद्धारासाठी करावा, असे आवाहन विधानसभेचे विरोधी पक्षनेते देवेंद्र फडणवीस यांनी केले. कराड येथील कृष्णा वैद्यकीय विज्ञान अभिमत विद्यापिठाचा १० वा दीक्षांत समारंभ ५ डिसेंबर या दिवशी विद्यापीठ परिसरात पार पडला. त्या वेळी ते बोलत होते.