जालोर (राजस्थान) येथे चोरीच्या उद्देशाने मंदिरातील वृद्ध पुजार्‍याची हत्या

  • काँग्रेसच्या राज्यात मंदिरांचे पुजारी असुरक्षित ! – संपादक
  • कोणत्याही पक्षाचे सरकार असले, तरी ते पुजारी, साधू, संत यांचे संरक्षण करण्यात नेहमीच अपयशी करत असल्याचे सातत्याने दिसून येत आहे. ही स्थिती हिंदु राष्ट्र अपरिहार्य करते ! – संपादक
(प्रतिकात्मक छायाचित्र)

जालोर (राजस्थान) – जालोर जिल्ह्यातील धुंबडिया गावात श्री हनुमान मंदिरातील ७० वर्षीय पुजारी नैनदास वैष्णव यांची अज्ञातांनी चाकूने वार करून हत्या केली. आक्रमणकर्त्यांनी त्यांच्यावर वार केल्यानंतर ते ओरडू लागल्याने शेजारील लोक धावत आले. तेव्हा आक्रमणकारी पळून गेले.

लोकांनी वैष्णव यांना रुग्णालयात भरती केले; मात्र तेथे त्यांचा मृत्यू झाला. पोलीस हत्या करणार्‍यांचा शोध घेत आहेत. ही हत्या चोरीच्या उद्देशाने झाल्याचे सांगण्यात येत आहे. नैनदास वैष्णव गेल्या ३० वर्षांपासून येथील हनुमान मंदिरात सेवा करत आहेत. तेथेच बाजूला ते झोपडी बांधून रहात होते.