भारतीय रिझर्व्ह बँकेच्या निर्बंधांमुळे मलकापूर (जिल्हा बुलढाणा) अर्बन बँकेत ग्राहकांची गर्दी !

फक्त १० सहस्र रुपये काढण्याची अनुमती !

बुलढाणा – जिल्ह्यातील मलकापूर अर्बन बँकेवर रिझर्व्ह बँकेने ६ मासांसाठी निर्बंध लावले आहेत. हे आदेश लागू होताच २५ नोव्हेंबर या दिवशी ग्राहकांनी बँकेत गर्दी केली. खातेधारकाला खात्यातून केवळ १० सहस्र रुपये काढता येणार आहेत. या बँकेच्या २८ शाखा असून १ सहस्र कोटी रुपयांच्या ठेवी आहेत. नवीन मालमत्ता विक्रीवर बंदी असून कर्जाचे नूतनीकरणही सध्या करता येणार नाही. याआधी रिझर्व्ह बँकेने या बँकेवर एन्.पी.ए वाढणे, लेखापरीक्षणात त्रुटी, तसेच कामकाजात अनियमितता आहे, असा ठपका ठेवला होता.