पैठण (जिल्हा संभाजीनगर) येथे शेतवस्तीवर दरोडा टाकून दरोडेखोरांकडून २ महिलांवर बलात्कार !

रोख ३६ सहस्र रुपये आणि बनावट दागिने यांचीही चोरी !

संभाजीनगर – जिल्ह्यातील पैठण तालुक्यातील तोंडोळी भागातील शेतवस्तीमध्ये ३ मासांपासून मध्यप्रदेशातील एक कुटुंब रहाण्यास आले होते. यात ३ पुरुष आणि ४ महिला आहेत. १९ ऑक्टोबरच्या रात्री ७-८ दरोडेखोरांनी या शेतवस्तीवर आक्रमण केले. दरोडेखोरांनी तेथील पुरुषांचे हात-पाय बांधून ठेवत २ महिलांवर बलात्कार केला. तत्पूर्वी दरोडेखोरांनी लोहगावच्या एका शेतवस्तीवर आक्रमण करून तेथील रक्कम लुटली असून तेथील पुरुषांनाही मारहाण केली होती. या घटनेत दरोडेखोरांनी रोख ३६ सहस्र रुपये आणि बनावट दागिने पळवून नेले. दरोडेखोरांचा शोध घेण्यासाठी पोलिसांची ११ पथके रवाना झाली आहेत.