मुंबई येथील अल्पवयीन मुलीस जालना येथे बोलावून अत्याचार करणार्‍या तिघांना अटक !

मुली आणि तरुणी यांनी सतर्कता बाळगून अशा वासनांधांना धडा शिकवायला हवा ! – संपादक 

जालना – नोकरी देण्याचे आमीष दाखवल्याने मुंबई येथून २ अल्पवयीन मुली शहरात आल्या होत्या. त्या एकट्या असल्याचा लाभ घेऊन त्यांना विविध ठिकाणी नेऊन त्यापैकी एका मुलीवर सामूहिक अत्याचार करण्यात आला. याप्रकरणी त्या मुलीच्या तक्रारीवरून शहरातील ३ जणांना कदीम पोलिसांनी ४ ऑक्टोबर या दिवशी अटक केली आहे. अविनाश जोगदंड, किशोर जोगदंड, गणेश मामा अशी अटक केलेल्यांची नावे आहेत, तर या प्रकरणातील आरोपी दीपक राणा पसार आहे. ही घटना सप्टेंबर ते ऑक्टोबर २०२१ या कालावधीत घडली आहे. या आरोपींना ४ दिवसांची पोलीस कोठडी देण्यात आली आहे. या प्रकरणाचे पुढील अन्वेषण पोलीस उपनिरीक्षक प्रियांका तुपे करत आहेत.