पाकमध्ये मदरशामध्ये बलात्कार करणार्‍या मौलवीला (इस्लामच्या धार्मिक नेत्याला) जन्मठेपेची शिक्षा

पाकमध्ये अशी शिक्षा होऊ शकते, तर भारतात का होत नाही ? – संपादक

लाहोर (पाकिस्तान) – पाकच्या एका न्यायालयाने १२ वर्षांच्या मुलीवर बलात्कार केल्याच्या प्रकरणी अतीक उर् रहमान नावाच्या मौलवीला (इस्लामच्या धार्मिक नेत्याला) जन्मठेपेची शिक्षा सुनावण्यात आली. तसेच त्याला २ लाख रुपयांचा दंडही करण्यात आला आहे. बलात्कार करण्याची घटना २ वर्षांपूर्वी लाहोरपासून २०० किमी अंतरावर असणार्‍या टोबा टेक सिंह या जिल्ह्यामध्ये घडली होती. पीडित मुलगी तिच्या गावातील मदरशात शिकण्यासाठी जात असे. तेथे रहमान याची महिला सहकारी बिलकिस बीबी हिने या पीडित मुलीला आमीष दाखवून एका खोलीत नेले. तेथे रहमान याने तिच्यावर बलात्कार केला.