पुणे येथील ‘ऑनलाईन’ किराणा माल विकणार्‍या ‘बिग बास्केट’च्या गोदामाला भीषण आग !

५ घंट्यांनंतर आगीवर नियंत्रण

पुणे – बावधन बुद्रुक येथील ‘ऑनलाईन’ किराणा माल विकणार्‍या ‘बिग बास्केट’च्या गोदामाला १२ सप्टेंबरच्या मध्यरात्री भीषण आग लागली. या आगीत गोदामाची मोठ्या प्रमाणात हानी झाली आहे. घटनेची माहिती मिळताच अग्नीशमन दलाच्या कर्मचार्‍यांनी आगीवर नियंत्रण आणण्याचे काम चालू केले. ५ घंट्यांनंतर  आगीवर नियंत्रण मिळवता आले. या दुर्घटनेत कोणतीही जीवितहानी झाली नाही. आगीत कोट्यवधी रुपयांचे धान्य, भाज्या आणि किराणा माल जळून खाक झाला आहे. विशेष म्हणजे आगीत गोदामातील लाखो रुपयांची रोकडही जळून गेली आहे. आगीचे कारण अद्याप स्पष्ट झाले नाही.