निवळी (तालुका चिपळूण, जिल्हा रत्नागिरी) येथील पूज्य (ह.भ.प.) सखाराम बांद्रे महाराज (वय ७० वर्षे) यांचा देहत्याग !

चिपळूण, २५ ऑगस्ट (वार्ता.) – तालुक्यातील मु.पो. निवळी (कातळवाडी) येथील पूज्य (ह.भ.प.) सखाराम बांद्रे महाराज (वय ७० वर्षे) यांनी २४ ऑगस्ट २०२१ च्या मध्यरात्री १२.१५ वाजता रहात्या घरी देहत्याग केला. त्यांच्या पार्थिवावर २५ ऑगस्ट या दिवशी दुपारी १ वाजता अंत्यसंस्कार करण्यात आले. पू. सखाराम बांद्रे महाराज यांच्या पश्चात मुलगा, सून, मुलगी, जावई, ३ भाऊ, ३ भावजया, पुतणे, सुना आणि नातवंडे असा परिवार आहे. सनातन परिवार बांद्रे कुटुंबियांच्या दु:खात सहभागी आहे. ३१ जानेवारी २०२१ या दिवशी सनातन संस्थेच्या वतीने ह.भ.प. सखाराम बांद्रे महाराज संतपदी विराजमान झाल्याचे एका कौटुंबिक सोहळ्यात घोषित करण्यात आले होते. सनातनचे सद्गुरु सत्यवान कदम यांच्या हस्ते त्यांचा सन्मान करण्यात आला होता.