पैसे दुप्पट करण्याचे आमीष दाखवून लोकांना लुटणारी टोळी पोलिसांच्या कह्यात !

लोकांच्या मानसिकतेचा अपलाभ घेणार्‍या आणि त्यांना लुबाडणार्‍या व्यक्तींना कठोरात कठोर शिक्षा व्हायला हवी ! – संपादक

नगर – श्रीगोंदा तालुक्यात ‘पैशांचा पाऊस पडेल’, तसेच ‘फुलांवर पैसे ठेवून ते दुप्पट होतील’, असे आमीष दाखवून लोकांना लुटणार्‍या टोळीला पकडण्यात श्रीगोंदा पोलिसांना यश आले आहे. या टोळीतील आरोपी हे पुणे जिल्ह्यातील आहेत. दत्तात्रय शेटे यांनी दिलेल्या तक्रारीवरून पोलिसांनी अनोळखी आरोपींच्या विरोधात गुन्हा नोंद केला होता. या गुन्ह्याचा तपास करतांना पोलीस निरीक्षक ढिकले यांनी पथक पाठवून थेऊर येथील अशोक चव्हाण आणि संतोष देवकर यांना कह्यात घेतले असून असे प्रकार कोठे होत असल्याची माहिती मिळाल्यास पोलिसांना कळवावे, असे आवाहनही केले. या घटनेचा पुढील तपास फौजदार रणजीत करत आहेत.