पुणे येथील श्रावणामध्ये होणारी मंगलमूर्तीची द्वारयात्रा रहित

पुणे, ८ ऑगस्ट – येथील चिंचवड देवस्थानच्या वतीने परंपरेनुसार, तसेच प्रतिवर्षीप्रमाणे श्रावणामध्ये होणारी मंगलमूर्तीची द्वारयात्रा या वर्षी ९ ते १२ ऑगस्ट या कालावधीमध्ये संपन्न होणार होती; परंतु अजूनही कोरोना रुग्णसंख्या वाढत आहे. पुणे जिल्ह्यातील नियमांमध्ये शिथिलता दिलेली नाही. त्यामुळे शासनाच्या नियमानुसार असलेल्या जमावबंदी, तसेच इतर निर्बंधांमुळे या वर्षी ही द्वारयात्रा होणार नाही, भाविकांनी आणि संबंधितांनी याची नोंद घ्यावी, अशी माहिती चिंचवड देवस्थान ट्रस्टचे मुख्य विश्वस्त मंदार महाराज देव यांनी प्रसिद्धीपत्रकाद्वारे दिली आहे.