(म्हणे) ‘रात्री ९ वाजल्यानंतर बाहेर पडणार्‍या महिला वेश्या असल्याने त्यांना ठार मारले पाहिजे !’ – केरळमधील एका २७ वर्षीय ‘इस्लामी विद्वाना’चा फतवा

पोलिसांकडून अद्याप कोणतीही कारवाई नाही !

  • यावर महिला आयोग, स्त्री स्वातंत्र्यवादी संघटना आदी गप्प का ? मंदिर प्रवेशाच्या सूत्रावरून महिलांच्या अधिकारांची आठवण होणार्‍या तथाकथित स्त्रीवादी आता कुठल्या बिळात जाऊन लपल्या आहेत ? कि या सर्वांना हा महिलांचा अवमान वाटत नाही ?
  • एका अभिनेत्रीने नुकताच एक व्हिडिओ प्रसारित केल्यानंतर तो पहाणार्‍यांनी तिला व्यवस्थित कपडे परिधान करण्याचा सल्ला दिला. यावरून काही तथाकथित सुधारणावादी कलाकार, प्रसारमाध्यमे आदींनी ‘महिला स्वातंत्र्याची गळचेपी होत आहे’, असे ओरड करत सल्ला देणार्‍यांवर तुटून पडले होते ! असे कलाकार, प्रसारमाध्यमे आदी आता या ‘इस्लामी विद्वाना’च्या विरोधात बोलण्याचे धाडस दाखवतील का ?
  • अशी समाजद्रोही आणि हिंसक विधाने करणार्‍यांवर पोलीस कारवाई का करत नाही ? अशा पोलिसांवरही त्यांच्या वरिष्ठांनी कारवाई केली पाहिजे !

थिरूवनंतपूरम् – रात्री ९ वाजल्यानंतर बाहेर पडणार्‍या महिला या वेश्या असून त्यांना ठार मारले पाहिजे, असा फतवा केरळमधील एक २७ वर्षीय ‘इस्लामी विद्वान’ सलीह बथेरी याने काढला. या संदर्भात त्याने एक ‘व्हिडिओ’ प्रसारित केला आहे.

केरळमध्ये काही वर्षांपूर्वी झालेल्या एका बलात्काराच्या घटनेत गोविंदचामी याला शिक्षा ठोठावण्यात आली होती. सलीह याने प्रसारित केलेल्या त्याच्या व्हिडिओमध्ये बलात्कारी गोविंदाचामी याला योग्य ठरवले आहे. सलीह याने पुढे म्हटले आहे की, गोविंदाचामी याने एका युवतीवर बलात्कार करून तिची हत्या केली होती. त्या वेळी गोविंदाचामी यानेही ‘सदर युवती रात्री एकटी प्रवास करत होती आणि रात्री प्रवास करणारी प्रत्येक युवती ही वेश्याच असते’, असे म्हटले होते. या वेळी सलीह याने गोविंदाचामी प्रकरणाची सुनावणी करणार्‍या न्यायाधिशांवरही टीका केली. या प्रकरणी पोलिसांनी सलीह याच्यावर अद्याप कोणतीही कारवाई केलेली नाही. (साम्यवादी पक्ष सत्तेवर असलेल्या राज्यात पोलिसांनी अल्पसंख्यांकांचे लांगूलचालन केल्यास आश्‍चर्य ते काय ? – संपादक)