पुण्यात जुगार खेळणार्‍या २ माजी नगरसेवकांसहित १९ जणांना अटक

अशा लोकप्रतिनिधींनी त्यांच्या कार्यकाळात समाजाला काय दिशा दिली असेल, याचा विचारच न केलेला बरा ! ही अनैतिकतेची कीड मुळापासून नष्ट करण्यासाठी समाजाला धर्मशिक्षण देणे, तसेच कायद्याचा धाक निर्माण करणे आवश्यक आहे !

पुणे – मार्केट यार्ड येथील विद्यासागर कॉलनीतील एका बंगल्यात कोरोनाचे निर्बंध लागू असतांनाही चालू असलेल्या जुगार अड्ड्यावर केलेल्या कारवाईत पिंपरी-चिंचवडचे २ माजी नगरसेवक आणि काही ठेकेदार अशा १९ जणांना कह्यात घेण्यात आले आहे. ही कारवाई २९ मे या दिवशी सकाळी करण्यात आली. त्याचप्रमाणे ५३ सहस्र ९०० रुपये रोख, ४ दुचाकी असा एकूण १ लाख ५३ सहस्र रुपयांचा ऐवज जप्त करण्यात आला आहे.