लोकांची सामूहिक शक्ती आणि सेवाभाव यांमुळे देश प्रत्येक वादळातून बाहेर पडला !  – पंतप्रधान मोदी

नवी देहली – कोरोना संसर्गामुळे ज्यांनी त्यांच्या जीवलगांना गमावले आहे, त्यांच्याविषयी मी संवेदना व्यक्त करतो. आपण सर्व या कठीण परिस्थितीत त्यांच्या पाठीशी भक्कमपणे उभे आहोत. आपण या महामारीचा फटका सहन केला आहे. आव्हान कितीही मोठे असो, भारताचा विजय संकल्प तेवढाच मोठा असतो. लोकांची सामूहिक शक्ती आणि सेवाभाव यांनी देशाला प्रत्येक वादळातून बाहेर काढले आहे, असे प्रतिपादन पंतप्रधान नरेंद्र मोदी यांनी त्यांच्या आकाशवाणीवरील मासिक कार्यक्रम ‘मन की बात’मध्ये केले.