मुंबईत लोकल रेल्वेने अधिवक्त्यांना प्रवासाची अनुमती देण्यास उच्च न्यायालयाचा नकार !

मुंबई – मुंबई लोकलमधून प्रवास करण्यासाठी अनुमती देण्याच्या अधिवक्त्यांच्या विनंतीचा सध्या विचार करणार नाही. लोकलमध्ये गर्दी झाल्यास कोरोनाचा संसर्ग वाढण्याची भीती असल्याने राज्यशासनाने निर्बंध ठेवले आहेत, असे नमूद करत मुंबई उच्च न्यायालयाने लोकल रेल्वेगाड्यांमधून अधिवक्त्यांना प्रवास करण्याची अनुमती नाकारली आहे. लोकल रेल्वेगाड्यांमधून अधिवक्त्यांना प्रवासाची अनुमती मिळावी, यासाठी एका प्रलंबित याचिकेवर २१ मे या दिवशी मुख्य न्यायमूर्ती दीपांकर दत्ता आणि न्यायमूर्ती गिरीश कुलकर्णी यांच्या खंडपिठासमोर ही सुनावणी झाली. यावरील पुढील सुनावणी उन्हाळी सुट्टीनंतर ९ जून या दिवशी ठेवण्यात आली आहे.