शासकीय आणि खासगी रुग्णालयांचे अग्नीसुरक्षा, स्ट्रक्चरल, तसेच ऑक्सिजन ऑडिट करावे !

ठाणे, २९ एप्रिल (वार्ता.) – रुग्णालयातील आगीच्या वाढत्या दुर्घटना पहाता शासकीय आणि खासगी रुग्णालयांचे अग्नीसुरक्षा, स्ट्रक्चरल, तसेच ऑक्सिजन ऑडिट करण्यात यावे, अशी मागणी दैनिक स्वराज्य तोरणचे संपादक तथा महाराष्ट्र राज्य मराठी पत्रकार संघाचे कोकण विभागीय सरचिटणीस किशोर बळीराम पाटील यांनी केली होती. याविषयीच्या बातम्या अन्य दैनिकांतून प्रसिद्ध झाल्या होत्या. याची नोंद घेत ठाणे जिल्ह्याचे पालकमंत्री तथा नगरविकास मंत्री एकनाथ शिंदे यांनी मुंबई महानगर क्षेत्रातील सर्व शासकीय आणि खासगी रुग्णालयांचे अग्नीसुरक्षा, स्ट्रक्चरल, तसेच ऑक्सिजन ऑडिट पडताळण्याचे निर्देश पारित केले आहेत, असे संपादक किशोर पाटील यांनी कळवले आहे.