पंढरपूर-मंगळवेढा विधानसभा पोटनिवडणुकीसाठी आज मतदान !

पंढरपूर (जिल्हा सोलापूर) – पंढरपूर-मंगळवेढा विधानसभेच्या पोटनिवडणुकीसाठी प्रचाराची सांगता झाली असून आज मतदान होत आहे. या मतदारसंघात दुरंगी लढत असली तरी अपक्ष उमेदवार शैला गोडसे, सचिन शिंदे यांनीही प्रचारात सहभाग घेतल्याने ही निवडणूक चुरशीची आणि प्रतिष्ठेची झाली आहे. या निवडणुकीचा निकाल २ मे या दिवशी स्पष्ट होईल.

पंढरपूर विधानसभा मतदारसंघाचे राष्ट्रवादी काँग्रेसचे आमदार भारत भालके यांचे  निधन झाल्यामुळे या जागेसाठी ही निवडणूक होत आहे. या जागेवर राष्ट्रवादी काँग्रेसने भगीरथ भालके यांना, तर भाजपने उद्योजक समाधान अवताडे यांना उमेदवारी दिली.