विवाह करून तरुणांना लुटणारी महिला अटकेत

ठाणे, १५ एप्रिल (वार्ता.) – विवाहाचे नाटक करून पतीकडून दागिने आणि पैसे घेऊन फसवणूक करणार्‍या तरुणीला भिवंडी पोलिसांनी अटक केली आहे. या महिलेने काही तरुणांची फसवणूक केल्याचे समजते. भिवंडी येथील शांतीनगर पोलीस ठाण्यात रिना देवरे या २३ वर्षीय तरुणीच्या विरोधात पतीने गुन्हा प्रविष्ट केला आहे. तिच्यासमवेत आई मंगला देवरे आणि मावशी सुनीता माहिरे यांनाही अटक करण्यात आली आहे. ही तरुणी लग्न करून पसार झाल्यावर तिची आई आणि मावशी तिला साहाय्य करत असत. आरोपींना न्यायालयात उपस्थित केले असता १६ एप्रिलपर्यंत पोलीस कोठडी सुनावली आहे.