कोरोनाच्या पार्श्‍वभूमीवर १ ते ५ एप्रिल या काळात श्रीक्षेत्र सप्तश्रृंग गडावर प्रवेशबंदी

नाशिक – जिल्ह्यात कोरोनाचे रुग्ण वाढत असल्याने श्रीक्षेत्र सप्तश्रृंग गडावर प्रवेशास बंदी करण्यात आली आहे. १ ते ५ एप्रिल या काळात ही बंदी असेल. मंदिर संस्थानच्या वतीने याची माहिती देण्यात आली. मंदिर, तसेच गड येथे प्रवेश बंद असला, तरीही श्री भगवतीची दैनंदिन पंचामृत महापूजा आणि आरती निर्धारित वेळेत सातत्यपूर्वक चालू असेल. सर्वांनीच या निर्णयात सहकार्य करावे, असे आवाहन करण्यात आले आहे.