सांगली येथे छत्रपती संभाजी महाराजांचा पुतळा उभारा ! – मावळा प्रतिष्ठानचे निवेदन

सांगली – कर्मवीर चौकात (पुष्पराज चौक) छत्रपती संभाजी महाराज यांचा पूर्णाकृती पुतळा उभारावा, यासाठी येणार्‍या अर्थसंकल्पात निधीची तरतूद करावी, या मागणीचे निवेदन मावळा प्रतिष्ठान आणि रॉयल्स युथ फाउंडेशन यांच्या वतीने महापौर दिग्विजय सूर्यवंशी, स्थायी समिती सभापती पांडुरंग कोरे, विरोधी पक्ष नेते उत्तम साखळकर आणि सभागृह नेते विनायक सिंहासने यांना देण्यात आले. सभापती कोरे यांनी याला अनुकूलता दर्शवली असून छत्रपती संभाजी महाराजांच्या नियोजित पुतळ्यासाठी अर्थसंकल्पात निधीची तरतूद करण्याचे आश्‍वासन दिले आहे.