बावळाट येथे १० लाख रुपयांचे अवैध मद्य पोलिसांच्या कह्यात

सावंतवाडी – तालुक्यातील बावळाट येथे पोलिसांनी १० लाख रुपये मूल्याच्या अवैध मद्याची वाहतूक रोखली. गोवा येथून नाशिकला जाणारा ट्रक पोलिसांनी बावळाट येथे तपासणीसाठी थांबवला असता ट्रकमधील भंगाराच्या आडून गोवा बनावटीच्या मद्याची वाहतूक होत असल्याचे लक्षात आले. या वेळी पोलिसांनी ट्रक आणि चालक रवींद्र रामकिशन याला कह्यात घेतले.