पाचगणी (जिल्हा सातारा) येथे रुग्णवाहिकेची ४ वाहनांना जोरदार धडक 

सातारा, २३ (वार्ता.) – पाचगणी (जिल्हा सातारा) येथे एका भरधाव वेगातील रुग्णवाहिकेने ४ वाहनांना जोरदार धडक दिली. २२ मार्चच्या पहाटे ५ वाजता ही घटना घडली.

रत्नागिरी येथील एका कारखान्यात झालेल्या स्फोटातील मृतदेह घेऊन ही रुग्णवाहिका पाचगणी येथे येत होती. शहरातील छत्रपती शिवाजी महाराज चौक येथील वाहनतळावर लावलेल्या गाड्यांना रुग्णवाहिकेने जोरदार धडक दिली. या अपघातामध्ये सुदैवाने कोणतीही जीवितहानी झाली नसली, तरी वाहनांची मोठी हानी झाली आहे.