शाहीस्नानासाठीच्या अतीमहनीयांच्या पासची अनुमती रहित

हरिद्वार येथील कुंभमेळा

हरिद्वार – कुंभमेळ्यात होणार्‍या शाहीस्नानाच्या दिवशी अतीमहनीय (व्हीआयपी) लोकांच्या पासची अनुमती रहित करण्यात आल्याचे जिल्हाधिकारी नवनीत चहल यांनी घोषित केले. वृंदावनमध्ये ‘कुंभ पूर्व वैष्णव बैठक -२०२१’च्या निमित्ताने ९ मार्च या दिवशी शाहीस्नान होणार आहे. ज्या अतीमहनीयांना यायचे असेल, तर त्यांना सामान्य नागरिक होऊन स्नान करावे लागेल. वाहतूक विभागाचे वरिष्ठ पोलीस अधीक्षक डॉ. गौरव ग्रोवर यांनी ९ आणि १३ मार्च या दिवशीच्या शाहीस्नानाच्या दिवशी वाहतूक व्यवस्थेमध्ये पालट केल्याचे सांगितले.