सनातन प्रभात > Post Type > बातम्या > राष्ट्रीय बातम्या > शिवमोग्गा (कर्नाटक) येथे जिलेटीनच्या कांड्यांनी भरलेल्या ट्रकच्या स्फोटात ८ कामगारांचा मृत्यू

शिवमोग्गा (कर्नाटक) येथे जिलेटीनच्या कांड्यांनी भरलेल्या ट्रकच्या स्फोटात ८ कामगारांचा मृत्यू

शिवमोग्गा (कर्नाटक) – येथील उनासोंडी येथील दगड खाणीत जिलेटीनच्या कांड्यांनी भरलेल्या ट्रकच्या झालेल्या स्फोटात ८ खाण कामगारांचा होरपळून मृत्यू झाला. मृतांचा आकडा आणखी वाढण्याची भीती व्यक्त होत आहे. दुर्घटनेच्या वेळी ट्रक एका जागी उभा होता आणि कामगार विश्रांती घेत होते.

त्या वेळी झालेला हा स्फोट इतका शक्तीशाली होता की, ३० किलोमीटरच्या परिसरातील अनेक खिडक्यांच्या काचा फुटल्या आणि इमारतींची हानी झाली.

या घटनेविषयी पंतप्रधान नरेंद्र मोदी यांनी दु:ख व्यक्त केले आहे. ‘घायाळांच्या प्रकृतीत लवकरात लवकर सुधारणा व्हावी. स्फोटाची झळ बसलेल्या सर्वांना राज्य सरकार सर्व आवश्यक सहकार्य करत आहे’, असे पंतप्रधान मोदी यांनी ट्वीट करून म्हटले आहे.

नूतन लेख