वारगाव येथे गांजाविक्री करणारा कह्यात

सिंधुदुर्ग जिल्हा आता अवैध मद्यासह अमली पदार्थांचेही ठिकाण बनत आहे, असे म्हटल्यास चुकीचे होईल का ?

कणकवली – तालुक्यातील रोडयेवाडी, वारगाव येथे स्थानिक गुन्हे अन्वेषण शाखेच्या पथकाने धाड टाकून गांजाविक्री करणारा प्रवीण आत्माराम गुरव (वय ५० वर्षे) याला कह्यात घेतले. या वेळी त्याच्याकडे ७२६ ग्रॅम वजनाचा ओला गांजा सापडला. त्याची बाजारात किंमत २९ सहस्र  ४० रुपये आहे, तसेच  ५०० रुपये किमतीचा वजन काटा आणि रोख ५६० रुपये, असा एकूण ३० सहस्र १०० रुपयांचा मुद्देमाल पथकाने कह्यात घेतला.