पोलीस गोळीबार सरावाच्या पार्श्‍वभूमीवर सतर्क रहाण्याचे आवाहन

सिंधुदुर्ग – जिल्हा पोलीस दलाच्या वतीने ४ ते ९ जानेवारी २०२१ या कालावधीत कुडाळ तालुक्यातील नेहरूनगर (बाव) येथील गोळीबार मैदानावर (फायरिंग बट) गोळीबार सराव करण्यात येणार आहे. त्यामुळे या परिसरात लोकांनी जाऊ नये, तसेच प्राणी आदींनाही नेऊ नये. सुरक्षेच्या दृष्टीने गावात आणि फायरिंग बटच्या भागात सार्वजनिक ठिकाणी जाहीर प्रसिद्धी देऊन सर्व ग्रामस्थांना गोळीबार सरावाविषयी सतर्क रहाण्याविषयी अवगत करण्यात येत आहे. या पार्श्‍वभूमीवर सुरक्षिततेच्या दृष्टीने योग्य ती काळजी घ्यावी, असे आवाहन पोलीस प्रशासनाच्या वतीने करण्यात आले आहे.