विरमाडे येथे एका रात्रीत ११ घरफोड्या : परिसरात भीतीचे वातावरण

सातारा जिल्ह्यात कायदा आणि सुव्यवस्थेचे तीन-तेरा !

सातारा, १८ डिसेंबर (वार्ता.) – वाई तालुक्यातील विरमाडे येथील बंद असलेली ११ घरे १५ डिसेंबरच्या मध्यरात्री अज्ञात चोरट्यांनी फोडली आहेत. १२ वे घर फोडतांना शेजारील व्यक्तीला जाग आली. त्या वेळी त्याने आरडा-ओरडा केल्यावर चोरांनी त्याला वीट फेकून मारली, तसेच जीवे मारण्याची धमकी दिली आणि पलायन केले. गावातील काही युवकांनी चोरट्यांचा पाठलाग केला; मात्र त्यांच्याकडे धारदार शस्त्रे असल्याने युवक चोरट्यांना पकडू शकले नाहीत. ग्रामस्थांनी तात्काळ भुईंज पोलिसांना पाचारण केले. पोलीस पुढचा तपास करत असून गावात भीतीचे वातावरण आहे.