विधीमंडळाच्या कामकाजाची नियमावली निश्‍चित करावी ! – सुधीर मुनगंटीवार, भाजप

मुंबई, १४ डिसेंबर (वार्ता.) – अधिवेशनात शासनाकडून १० विधेयके मांडली आहेत; मात्र सभागृहाचा वेळ केवळ ६ घंटे आहे. यामध्ये सर्व विधेयकांवर चर्चा कशी करणार ? त्यासाठी विधीमंडळाच्या कामकाजाची नियमावली निश्‍चित करावी, अशी मागणी भाजपचे नेते सुधीर मुनगंटीवार यांनी विधानसभेत केली. या वेळी विधानसभा अध्यक्ष नाना पटोले म्हणाले की, पुढील अधिवेशन अधिक वेळ घेऊ.

या वेळी सुधीर मुनगंटीवार म्हणाले, ‘‘सत्ताधारी पक्षाने पत्रकार परिषदेत सर्व विधेयकांवर विस्तृत चर्चा करण्यात येणार असल्याचे सांगितले; मात्र एवढ्या अल्प वेळेत १० विधेयकांवर चर्चा कशी काय होणार ? याविषयी अधिवेशनाचा कालावधी वाढवणार कि यांतील कोणत्या विधेयकांवर चर्चा होणार ? हे लोकशाहीला बेशुद्ध करणारे आहे. याविषयी शासनाने स्पष्ट करावे. त्यानुसार विरोधक अभ्यास करून विषय मांडतील.’’