‘उद्धवा, अजब तुझे सरकार’ असा फलक परिधान केलेल्या आमदार रवि राणा यांच्या प्रवेशामुळे विधानसभेत गदारोळ

मुंबई – अपक्ष आमदार रवि राणा यांनी ‘शेतकर्‍यांचे मरण, हेच राज्य सरकारचे धोरण ! उद्धवा, अजब तुझे सरकार’, या लिखाणाचा फलक परिधान करून प्रवेश केल्यामुळे विधानसभेत सत्ताधारी पक्षाच्या सदस्यांनी गदारोळ केला. विधानसभा अध्यक्ष नाना पटोले यांनी आमदार रवि राणा यांना कडक शब्दांत समज दिली. या वेळी सभागृहात गोंधळ निर्माण झाला. या वेळी विरोधी पक्षनेते देवेंद्र फडणवीस यांनी रवि राणा यांनी केलेली कृती अयोग्य असून त्यांच्या भावना शासनाने समजून घ्याव्यात’, असे वक्तव्य करून राणा यांना सभागृहाच्या बाहेर जाण्याची विनंती केली. त्यानंतर सभागृहातील गोंधळ थांबला.