मुख्यमंत्र्यांचा बंगला थकबाकीदार सूचीत

पाण्याची थकबाकी एकूण २४ लाख ५६ सहस्र ४६९ रुपये

मुंबई – मुख्यमंत्री उद्धव ठाकरे, उपमुख्यमंत्री अजित पवार यांच्यासह अन्य अनेक मंत्र्यांचे बंगले मुंबई महापालिकेने थकबाकीदार सूचीत टाकले आहेत. लाखो रुपयांची पाणीपट्टी थकवल्याप्रकरणी ही कारवाई करण्यात आली आहे. (शासकीय विभाग पाण्याचे देयक वेळेवर भरत नसेल, तर सर्वसामान्यांनी का भरावे? महापालिका आयुक्त इकबाल सिंह चहल मंत्र्यांच्या निवासस्थानांचे पाणी रोखण्याचे धैर्य करणार का? – संपादक) मुख्यमंत्र्यांच्या ‘वर्षा’ बंगल्यासह इतर मंत्र्यांच्या सरकारी निवासस्थानाची पाण्याची थकबाकी एकूण २४ लाख ५६ सहस्र ४६९ रुपये इतकी आहे. माहिती अधिकार कार्यकर्त्याने मुंबई महापालिकेच्या संकेतस्थळावरून पाण्याच्या थकबाकीदारांची माहिती संकलित केली आहे.