Monitoring Cells Illegal Conversions : धर्मांतर रोखण्यासाठी उत्तरप्रदेशातील विद्यापिठांत ‘कट्टरतावादविरोधी कक्ष’ स्थापन करणार !

लक्ष्मणपुरी (उत्तरप्रदेश) – राज्यातील महाविद्यालये आणि विद्यापिठे यांमध्ये होणार्‍या सक्तीच्या धर्मांतराला आळा घालण्यासाठी राज्यपाल सचिवालयाने सर्व उच्चशिक्षण संस्थांना ‘कट्टरतावादविरोधी कक्ष’ स्थापन करण्याचे निर्देश दिले आहेत. कुलगुरूंचे विशेष कार्यकारी अधिकारी डॉ. सुधीर एम्. बोबडे यांनी प्रसारित केलेल्या पत्रानुसार आमिषे किंवा मानसिक दबाव यांद्वारे विद्यार्थ्यांचे धर्मांतर केले जात असल्याच्या तक्रारी वारंवार प्राप्त झाल्या आहेत. हे अस्वीकारार्ह आहे. त्यामुळे विद्यार्थी कल्याण कक्ष आणि कट्टरतावादविरोधी यंत्रणा अधिक सक्षम करणे आवश्यक आहे. या घटनांत दोषी आढळणार्‍यांविरुद्ध धर्मांतरबंदी कायद्यांतर्गत कारवाई करण्यात येणार आहे. यासह विद्यार्थ्यांमध्ये जागरूकता निर्माण करण्यासाठी मार्गदर्शक सत्रे, पालक-शिक्षक बैठका आणि चर्चासत्रे यांचे आयोजन करण्याचे निर्देशही देण्यात आले आहेत.