श्री महालक्ष्मीदेवीच्या मंदिराला दीड किलो सोन्याचा कळस गोव्यातील भाविकाकडून दान

कोल्हापूर – साडेतीन शक्तीपीठांपैकी एक असलेल्या श्री महालक्ष्मीदेवी मंदिरातील शिखरासाठी गोव्यातील एका भाविकाने अडीच कोटी रुपयांचा दीड किलो वजनाचा कळस दान केला आहे. हा कळस अधिक मासातील शुक्रवारी म्हणजे १२ जून या दिवशी मंदिरावर बसवण्यात येणार आहे. ६ फूट उंचीचा असलेला हा कळस अत्यंत विशेष अशी कलाकुसर वापरून सिद्ध करण्यात आला आहे. अधिक मासात केल्या जाणार्‍या दानाला विशेष महत्त्व असल्याने हा कळस बसवण्यात येणार आहे.