ठाकुर्ली (डोंबिवली) येथे वाहतूक पोलिसाला शिवीगाळ !

ठाणे – ई-चलन दंडाच्या कारणावरून डोंबिवली वाहतूक विभागातील हवालदाराला शिवीगाळ केल्याप्रकरणी २ तरुणांविरुद्ध रामनगर पोलीस ठाणे येथे गुन्हा नोंदवण्यात आला आहे. वाहतूक पोलीस सतीश पगारे ठाकुर्ली पूल परिसरात वाहतुकीच्या नियोजनाचे काम करत होते.

प्रियांशू नेरूलकर आणि व्यंकटेश शेट्टी यांनी त्यांच्या वाहनावर ‘ई-चलन’ का लावले, असे विचारून त्यांना अश्लील शिवीगाळ केली. पगारे यांनी दंड आकारला नसल्याचे सांगूनही दोघे ऐकण्यास सिद्ध नव्हते. त्यांनी चित्रीकरण चालू केल्यानंतर ते शांत झाले.